وآكتب على قبري توفي من البين // وآكتب على قبره حبيبن يخوني

وآكتب على قبري توفي من البين // وآكتب على قبره حبيبن يخوني

--------------------------------------------------------------------------------

عزوتي نواف رآح أريش العين
وأقفي مع اللي ما تطيقه عيوني

وشلون صار الدرب ياذيب دربين
يوم الحبايب يا يميني جفوني

انا أعتزي بابن الرجال السلاطين
اللي ليا جات الشدايد حموني

تكفا يابو ضاوي ترا دمعه البين
هزت معاليق الغرام وشجوني

من عادي صغير وقوس الموازين
واليوم زادت في ضميري طعوني

ياقوا طعنات الزمن والمحبين
من قوها لا جيتكم دثروني

ياخوك يانواف قلي على وين
ماهو كذا ياعزوتي تتركوني

ماباقي إلا نقضي الدين بالدين
مبطي وانا أتبع عالمن مايبوني

أبتركه وبترك الماضي الشين
حتي السعاده بالحياه أحرموني

لا قلته وين الغلا قال بعدين
يقول أخاف الناس لا يعذلوني

يانفس أبعلمك وشلون ترضين
يوم المقرد بالطريق أزعلوني

لابد من يومن مع الوقت تنسين
ولابد غايه ماتنسين ناسن نسوني

الطيب غايه والرياجيل شرهين
والشرهه القصيا تجي اليوم دوني

ياعين كفي الدمع وأياك تبكين
وشلون تبكي عالمن ضيعوني

ياخوك يا نواف لا تفزع الحين
همي ثقيل وشايلاته متوني

وإن زاد طعنات الزمن والمحبين
ومات الغظي في ساعتن ماتهوني

حطوا لنا يا مغني العرف قبرين
قدام قبره لا توفي أدفنوني

وأكتب على قبري توفي من البين
وآكتب على قبره حبيبن يخوني